අන්තර්ජාල කලාපය
එක් කලෙක භාග්‍යවතුන් වහන්සේ ශාක්‍ය ජනපදයෙහි
කිඹුල්වත් නුවර නිග්‍රොධාරාමයෙහි වැඩවසන සේක. එකල්හි සරකානි ශාක්‍යතෙම කාලක්‍රියා
කළේ ය. හෙතෙම නිරයෙහි නොවැටෙන දහමෙන් යුතු,
නියත වූ, නිර්වාණාවබෝධය
පිහිටකොට ඇති සෝවන් ය යි භාග්‍යවතුන් වහන්සේ විසින් වදාරන ලදී.
එහි බොහෝ ශාක්‍යයෝ එක් වී, රැස් වී දොස් කියත්, ගරහත්, අවමන් කරත්: “පින්වතුනි,
ආශ්චර්ය යි. පින්වතුනි, පුදුම යි. යම්
සරකානි නම් ශාක්‍යයෙක් කළුරිය කළේ ද, භාග්‍යවතුන් වහන්සේ
විසින් හෙතෙම නිරයෙහි නොවැටෙන දහමෙන් යුතු, නියත වූ,
නිර්වාණාවබෝධය පිහිටකොට ඇති
සෝවන් ය යි ප්‍රකාශ කරන ලදී. එසේ නම් මෙහි කවරෙක් සෝවාන් වූවෙක් නොවන්නේ ද?
සරකානි ශාක්‍යතෙම ශීලයෙන් දුර්වල වූ,
මත්පැන් පානය කරන්නෙක් විය
” යනුවෙනි.
එකල්හි මහානාම ශාක්‍යතෙම භාග්‍යවතුන් වහන්සේ වෙත
පැමිණියේ ය. පැමිණ, භාග්‍යවතුන් වහන්සේට
වැඳ, එකත්පසෙක හුන්නේ ය. එකත්පසෙක හුන් මහානාම ශාක්‍යතෙම භාග්‍යවතුන්
වහන්සේට මෙය කීයේ ය: “ස්වාමීනි,
මෙහි සරකානි ශාක්‍යතෙම කළුරිය කළේ ය. භාග්‍යවතුන් වහන්සේ විසින්
හෙතෙම නිරයෙහි නොවැටෙන දහමෙන් යුතු, නියත වූ, නිර්වාණාවබෝධය පිහිටකොට ඇති සෝවන්
ය යි වදාරන ලදී. එහි බොහෝ ශාක්‍යයෝ එක් වී, රැස් වී දොස්
කියත්, ගරහත්, අවමන් කරත්: “පින්වතුනි,
ආශ්චර්ය යි. පින්වතුනි, පුදුම යි. යම්
සරකානි නම් ශාක්‍යයෙක්
කළුරිය
කළේ
ද,
භාග්‍යවතුන්
වහන්සේ
විසින් හෙතෙම නිරයෙහි නොවැටෙන දහමෙන් යුතු, නියත වූ, නිර්වාණාවබෝධය
පිහිටකොට ඇති සෝවන් ය යි ප්‍රකාශ කරන ලදී. එසේ නම් මෙහි කවරෙක් සෝවාන් වූවෙක්
නොවන්නේ ද? සරකානි ශාක්‍යතෙම ශීලයෙන් දුර්වල වූ, මත්පැන් පානය කරන්නෙක් විය ”
යනුවෙනි. ”
“මහානාම,
යම් ඒ උපාසකයෙක් දිගු කලක් මුළුල්ලෙහි බුදුන් සරණකොට ගියේ වේ ද,
ධර්මය සරණකොට ගියේ වේ ද, සංඝයා සරණකොට
ගියේ වේ ද, හෙතෙම කෙසේ නම් නිරයට යන්නේ ද? මහානාම, යමකුට වනාහි බොහෝ කාලයක් මුළුල්ලෙහි
බුදුරජාණන් වහන්සේ සරණකොට ගියා වූ, ධර්මය සරණකොට ගියා වූ, සංඝයා සරණකොට ගියා වූ උපාසකයෙකැ යි මනා ව කියන්නේ නම් සරකානි ශාක්‍යයාහට
මනාකොට කියන්නේ ය. මහානාම, සරකානි ශාක්‍යතෙම බොහෝ කාලයක්
මුළුල්ලෙහි බුදුන් සරණ ගියා වූ, ධර්මය සරණ ගියා වූ, සංඝයා සරණ ගියා වූ උපාසකයෙක් වන්නේ ය. හෙතෙම කෙසේ නම් නිරයට යන්නේ ද?
“. .
.
“මහානාම,
මේ මහ සල්ගස් ඉදින් සුභාෂිත දුර්භාෂිත දනිත් නම්, මේ සල්ගස් පවා නිරයෙහි නොවැටෙන දහමෙන් යුතු,
නියත වූ, නිර්වාණාවබෝධය
පිහිටකොට ඇති සෝවන් ය යි මම ප්‍රකාශ කරන්නෙමි. සරකානි ශාක්‍යයා ගැන කියනුම කවරේ ද?
මහානාම, සරකානි ශාක්‍යතෙම වනාහි මැරෙන
කාලයෙහි ශික්ෂාව සම්පූර්ණ කළේ ය”
යි (භාග්‍යවතුන් වහන්සේ වදාළසේක.)
(සංයුත්ත නිකාය 5 (2)හි
11.
සෝතාපත්ති සංයුත්තයෙහි 3. සරකානි
වර්ගයෙහි 4.
සරකානි සූත්‍රයෙනි.)
සකස් කළේ රෝහිත විජයතිලක
අනුරාධපුර,
උණගස්වැව, වේලුවනගම අංක 38,
සදහම් සෙවණ භාවනා මධ්‍යස්ථානය
දුර: 077 021 5583.
