විශේෂ බක් ශීල භාවනා වැඩසටහන්

අනුරාධපුර සදහම් සෙවණ පොහොය වැඩසටහන

අන්තර්ජාල කලාපය

අනුරාධපුර සදහම් සෙවණ

විශේෂ බක් ශීල භාවනා වැඩසටහන්

2017 අප්‍රේල් මස 23 හා 24 දිනවල දී

අනුරාධපුර සදහම් සෙවණ විශේෂ බක් ශීල භාවනා වැඩසටහනක් 2017 අප්‍රේල් මස 23 දින අනුරාධපුර, උණගස්වැව, වේලුවනගම අංක 38හි පිහිටි අනුරාධපුර සදහම් සෙවණ භාවනා මධ්‍යස්ථානයේ දී පෙරවරු 6.00 සිට පස්වරු 6.00 තෙක් පැවැත්වේ.

මෙම විශේෂ බක් ශීල භාවනා වැඩසටහනට ධර්ම දේශනා, ධර්ම සාකච්ඡා, භාවනා සහ බුද්ධ පූජා ද ඇතුළත් වේ.

දුර බැහැර සිට මෙම විශේෂ වැඩසටහනට සහභාගි වීමට පැමිණෙන පින්වතුන් සඳහා එදින පස්වරු 6.00 සිට පසු දින පෙරවරු 6.00 තෙක් විශේෂ ශීල භාවනා වැඩසටහනක් ද පැවැත්වේ.

2017 අප්‍රේල් මස 24වැනි දා අනුරාධපුර සදහම් සෙවණ භාවනා මධ්‍යස්ථානයේ දී භාවනා වැඩසටහනක් පැවැත්වීමට ද කටයුතු යොදා ඇත. එදින පෙරවරු 8.00 සිට පෙරවරු 10.30 තෙක් මෙම භාවනා වැඩසටහන පැවැත්වේ.    

ශීල භාවනා වැඩසටහන් සහ භාවනා වැඩසටහන මෙහෙයවනු ලබන්නේ භාවනා උපදේශක රෝහිත විජයතිලක මහතා විසිනි.

මෙම වැඩ සටහන්වලට  සහභාගි වන පින්වතුනට ත්‍රිපිටකය සහ ත්‍රිපිටක අටුවා ඇසුරෙන් සකස් කරන ලද ධර්ම පත්‍රිකා ද බෙදා දෙනු ලැබේ.

විශේෂ ශීල භාවනා වැඩසටහන්වලට සහභාගි වන පින්වතුනට අවශ්‍ය දානමානාදී පහසුකම් භාවනා උපදේශක රෝහිත විජයතිලක මහතාගේ උපදෙස් පරිදි සලසා දෙනු ලැබේ.

මෙම විශේෂ වැඩසටහන්වලට සහභාගි වීම වෙනුවෙන් කිසි ම මුදලක් අය නොකැරෙන අතර සියලු ම පහසුකම් නොමිළයේ ලබාදෙනු ලැබේ.