අනුරාධපුර සදහම්
සෙවණ පොහොය වැඩසටහන
අන්තර්ජාල කලාපය
Wednesday, August 31, 2016
Tuesday, August 30, 2016
Sunday, August 28, 2016
224 Pin nam Nidhanaya
අනුරාධපුර සදහම් සෙවණ පොහොය වැඩසටහන
අන්තර්ජාල
කලාපය
පින්
නම් නිධානය
“ප්‍රයෝජනවත්
කටයුත්තක් ඇති වූ කල්හි මට ප්‍රයෝජන පිණිස වන්නේ ය’’ යි පුරුෂයෙක් ගැඹුරු වූ
ජල සමීපයෙහි නිධානයක් නිදන් කරයි.
නොමනා ලෙස කියන ලද කල රජුන්ගෙන් මිදීමට හෝ සොරුන් විසින්
පෙළන ලද කල හෝ ණයෙන් මිදීමට හෝ දුර්භික්ෂයෙහි, ආපදාවක දී හෝ ප්‍රයෝජනයට
ගැනීම පිණිස ලෝකයෙහි නිධාන නම් නිදන් කරනු ලැබේ.
ගැඹුරු
වූ ජල සමීපයෙහි එපමණ මනාකොට පිහිටුවනු ලැබුව ද ඒ සියල්ල හැම කල්හි ඔහුට නො ලැබේ.
නිධානය හෝ තිබූ තැනින් ඉවත් වෙයි. සංඥාව හෝ මඟ හැරෙයි. නාගයෝ හෝ එය ඉවත් කරන්නෝ ය.
යක්ෂයෝ හෝ එය ගෙන යන්නෝ ය.
අප්‍රිය උරුමක්කාරයෝ හෝ ඔහුට නොපෙනී ම ගොඩ ගනිත්. යම්කලෙක
පින් ගෙවේ ද එකල්හි මේ සියල්ල වැනසෙයි.
යම් ස්ත්‍රියක හෝ පුරුෂයකු හෝ විසින් දානයෙන් ද, ශීලයෙන් ද, සංයමයෙන් ද, දමනයෙන් ද මනාසේ නිධානයක් කරන ලද්දේ ද,
චෛත්‍යය කෙරෙහි ද, සංඝයා කෙරෙහි හෝ පුද්ගලයකු කෙරෙහි හෝ ආගන්තුකයකු කෙරෙහි ද, මව කෙරෙහි,
පියා කෙරෙහි හෝ තව ද වැඩිමහලු සහෝදරයා කෙරෙහි ද,
මනාසේ කරන ලද මේ නිධානය අනුන් විසින් දිනාගත නො හැකි
ය. සෙස්ස හැරදමා යා යුතු වුව ද මෙය රැගෙන යයි.
මේ තමාට ම විශේෂ වූ
නිධානය සොරුනට පැහැරගත නො හැකි ය. නුවණැත්තා තමා අනුව යන ඒ නිධාන නම් පින් කරන්නේ
ය.
මේ, දෙවිමිනිසුනට සියලු කැමැති දේ දෙන
නිධානය යි. යමක් පතත් ද ඒ සියල්ල මේ හේතුවෙන් ලැබේ.
මනා පැහැති බව, මිහිරි කටහඬ ඇති බව, මනා හැඩ ඇති බව, මනා රූ ඇති බව, අධිපති බව හා පිරිවර යන සියල්ල මේ හේතුවෙන් ලැබේ.
ප්‍රදේශ රාජ්‍යය ද, ඉසුරුමත් බව ද, ප්‍රිය වූ සක්විති සැප ද, දෙව්ලොව දිව්‍ය
රාජ්‍යය ද යන සියල්ල මේ හේතුවෙන් ලැබේ.
යම් මනුෂ්‍ය සම්පත්තියක් වේ ද, දෙව්ලොව යම් කම් සැපතක් වේ ද, යම් නිවන්
සැපතක් වේ ද ඒ සියල්ල මේ හේතුවෙන් ලැබේ.
මිත්‍ර සම්පත්තිය ලබා නුවණින් පිළිපැදීමෙන් විද්‍යා, විමුක්ති, වශී බව යන සියල්ල ද මේ හේතුවෙන්
ලැබේ.
පටිසම්භිදාවන් ද, විමෝක්ෂයන් ද, යම් ශ්‍රාවක පාරමිතාවක් ඇත්නම් එය ද, පසේ
බුදු බව ද, බුද්ධත්වය ද යන සියල්ල මේ හේතුවෙන් ලැබේ.
යම් මේ පුණ්‍ය සම්පත්තියක් වේ ද එය මෙසේ මහත් ප්‍රයෝජන
පිණිස පවතී. එබැවින් පණ්ඩිතයෝ කළ පින් ඇති නුවණැත්තන් පසසත්. ’’
Wednesday, August 24, 2016
Friday, August 19, 2016
NIKINI POYA PINKAM AUGUST 2016
අනුරාධපුර සදහම් සෙවණ පොහොය වැඩසටහන
අන්තර්ජාල
කලාපය
අනුරාධපුර සදහම්
සෙවණ
2016 නිකිණි පුන් පොහොය වැඩසටහන
අනුරාධපුර සදහම් සෙවණ නිකිණි පුන් පොහොය වැඩසටහන 2016 අගෝස්තු මස 17 දිනට යෙදෙන නිකිණි පුන් පොහෝ දින අනුරාධපුර උණගස්වැව, වේලුවනගම, අංක 38හි පිහිටි අනුරාධපුර සදහම් සෙවණ භාවනා මධ්‍යස්ථානයේ දී පෙරවරු 6.00 සිට පසු දින පෙරවරු 6.00 තෙක් පැවැත්වේ.
මෙම නිකිණි පුන් පොහොය වැඩසටහනට ධර්ම දේශනා, ධර්ම සාකච්ඡා,
භාවනා සහ බුද්ධ පූජා ද ඇතුළත් වේ. මෙවර පොහොය වැඩසටහනේ
විශේෂත්වය වනුයේ බුදුරජාණන් වහන්සේගේ සත්ථා දේවමනුස්සානං ගුණය විස්තරාත්මක ව
මෙනෙහි කරමින්
බුද්ධ
වන්දනාව කිරීම යි.
පුන්
පොහොය වැඩ සටහනට සහභාගි වන පින්වතුනට ත්‍රිපිටකය
සහ ත්‍රිපිටක අටුවා ඇසුරෙන් සකස් කරන ලද ධර්ම පත්‍රිකා ද බෙදා දෙනු ලැබේ.
2016 අගෝස්තු මස 18වැනි දා, එනම් නිකිණි පුන් පොහොය දිනට පසු දින අනුරාධපුර සදහම්
සෙවණ භාවනා මධ්‍යස්ථානයේ දී භාවනා වැඩසටහනක් පැවැත්වීමට ද කටයුතු යොදා ඇත. එදින පෙරවරු 8.00 සිට පෙරවරු 10.30 තෙක් මෙම භාවනා වැඩසටහන පැවැත්වේ.
පොහොය වැඩසටහන සහ භාවනා වැඩසටහන මෙහෙයවනු ලබන්නේ
භාවනා උපදේශක රෝහිත විජයතිලක මහතා විසිනි.
පුන් පොහොය වැඩසටහනට සහභාගි වී පෙහෙවස් සමාදන් වන
පින්වතුනට උපෝසථ ශීලය රැකීමට අවශ්‍ය දානමානාදී පහසුකම් මොරටුවේ
විසූ,
පරලෝසැපත් විලියම් විජයතිලක මහතාගේ ජන්ම ශත සංවත්සරය සහ සෝමා
විජයතිලක මහත්මියගේ
අනූපස්වැනි ජන්ම දිනය වෙනුවෙන් එම දෙපොළට නිවන් සුව පතා දූ දරුවන් සහ
ඥාතීන් විසින් සලසා දෙනු ලැබේ.
පුන් පොහොය වැඩසටහනට
සහ භාවනා වැඩසටහනට
සහභාගි වීම වෙනුවෙන් කිසි ම මුදලක් අය නොකැරෙන අතර සියලු ම පහසුකම් නොමිළයේ
ලබාදෙනු ලැබේ.
Subscribe to:
Posts (Atom)